روايه زفافى _ الفصل الاول والثانى
هشام عدلها وبصلها/طب خلاص هششش
مسحلها دموعها /بس يا روحي كفاية عياط... هتبقى كويسة البنت ان شاء الله وانت هتعالجيها استني حقنة المهدأ مش في الدرج دا في الدرج التاني
جاب حقنة المهدأ /اهي
استغرب ان مراته بتعيط عشان حالة مريض!... ما ياما شافت مرضى عمرها ما انهارت كده فقرر يطلع معاها يشوف مين البنت الي خلت مراته تنهار بالشكل دا
طلع هشام هو ونورا والباب كان مفتوح ودخلوا لقوا يامن حاضن فرح وبيطبطب عليها وهيه مكمله في العياط
نورا~يامن الحقنه اهي
يامن جيه يسيبها بس فرح اتمسكت بيه قوي
يامن /انت مش هسيبك... جايلك تاني نورا معاكي متخافيش
نورا مسكت ايديها فكتها من قميص يامن ونيمتها على السرير
يامن خرج برا واخد نفسه اخيرا
هشام~خير يابني مين دي
يامن بوجع /معرفش معرفش.....
هشام/اي كل الجر وح الي في وشها دي هي عملت حاد ثة؟ واي علاقة جوزها بحالتها؟ انا مش فاهم!
يامن بلع ريقه بالعافيه/دي العروسه الي كانت زفتها من شوية جوزها مديها علقة مو ت وهربت من البيت واستنجدت بيا وهو اول ما عرف انها عندي جيه واول ما البنت شافته جاتلها نوبة فز-ع
وزي ما-نت شايفها كدا
هشام/لا حول ولا قوة الا بالله... دا يوم فرحها يحصلها كل دا..!
يامن/اهو شوف انت بقى
هشام/دي نورا منهارة عليها... ربنا يعينها يارب... طب وناوي على اي انا اخويا محامي وممكن يخلصها من الحيو ان دا وانت ظابط يعني هنطلعها منها بإذن الله
يامن/جوزها مش هيسكت.... احنا لازم نفكر كويس قوي.... اااه دماغي هتتفرتك
نورا طلعت /انا ادتها حقنة المهدأ وهديت شويه ونايمه دلوقتي
يامن/الحمد لله....
هشام/انت مش هتيجي معايا المستشفى...
نورا/لا انا هفضل....
يامن قاطعها/روحي شغلك يا نورا.. انا هبقى مع فرح هنا لازم اعرف اي الي حصلها واول ما تصحي هسألها عن كل حاجه هي لازم تساعدنا عشان نعرف هنساعدها ازاي
هشام/يامن... مينفعش تفضل معاك.... لازم معاها واحدة ست تعتني بيها
نورا/ايوة صح يا يامن... هي لازم تفضل معاها واحدة خلاص انا هقعد معاها مش لازم اروح النهاردة....
هشام/مش هينفع... في مرضى محتاجنلنا يا نورا انت اديتيها مهدأ انت عملتي مهمتك وداوتيلها جرو حها سيبي اخوكي يعمل مهمته ويحقق معاها عشان يعرف يساعدها
