اخويا عايز دهبي بقلم هويدا زغلول

احمد _ والله يا حبيبتي ده كان عشمي 
فيكي برضه وبعدها روحت البيت وكان 
جوزها سالم قاعد
سالم _خير يا منال اخوكي كان عازمك ليه غريبه يعني ده عمره ما بيعملها
منال _ لو سمحت يا سالم  ما تتكلمش على اخويا بالطريقه دي انت فاهم ولا لا انت ما تعرفش احمد حنين عليا قد ايه اصلا
سالم _ اه اه ما انا عارف قوليلي بقى كان عازمك ليه

منال_ كان عايز يشوفني يا سالم ارتحت كده انا داخله علشان اشوف البنات وبعدها كانو 
قاعدين علي العشا ومنال قالت
منال _ بقولك ايه انا عرضت على احمد يشتري الارض بتاعتنا كده كده ملهاش لازمه وانا محټاجه فلوس
سالم _ هههه انتي اللي عرضتي ماشي يا منال هعمل نفسي مصدقك حضرتك محټاجه فلوس في ايه بقى وانا حارمك من حاجه
منال _ لا بس انا شايفه الارض ملهاش لازمه فلازم اتصرف فيها واخذ فلوس انا اولى بيها
سالم _ اعملي اللي انتي عايزاه انا ماليش دعوه بفلوسك انتي حره انتي واخوكي

منال_ تمام يا سالم وفعلا بعت الأرض وجبت 
دهب بيهم وعدا الايام وجوزي راح وبقيت .عايشه لوحدي مع البنات وفي يوم كلمت احمد
منال _ اخص عليك يا احمد انا بقول انت اللي هتسال عليا من بعد سالم الله يرحمه
احمد _الدنيا مشاغل والله يا منال انتي مش شايفه حال البلد عامله ازاي
منال_ حبيبي انا عايزاك بس تبقى تسال عليا
احمد _ معلش الفتره دي مشغول بقولك
صحيح انا كنت ناوي اعزمك انتي والبنات 
في رمضان بس انا ممكن اسافر هبعتلك 
200 چنيه مع سلمي
منال_200جنيه خد انت 2000وتعالي اشوفك
احمد _ بقولك يا منال معلش اصل انا داخل الاسانسير فاكيد الشبكه هتفصل بكلمك بعدين يا حبيبتي باي وبعدها قفل السكه 
ودخلت ميرا وندي بناتي