كنت السبب في موت مراتي

كنا في بيت العائله متجمعين عند اهلي
ونتناقش ونتحاور وكنت مقهور انها لما تتكلم الكل معجب بكلامها
وقفت وانا في قمة قهري اصارخ عليها انت zباله انت ما تعرفين شي هذه اللي مستانسين على كلامها عندي ولاشي بس كلام هذه تحمد ربها اني خذيتها وامي كانت تحاول تسكتني وانا ازيد كنت ابغى اشوف انكسارها لكن للاسف رغم قسوة كلامي تمت ساكته ماتكلمت ولا نزلت منها دمعه واحده وبكل بساطه قامت وقالت اكرمكم الله على الضيافه يا عمي وعمتي واخواني وخواتي

راحت وخلت عيالها وراها رغم هذا ما برد غيضي قلت بروح البيت اكسر راسها ليش تحقرني وخذيت العيال ووصلنا البيت طلعت الغرفه مالقيتها دورت بكل مكان مالقيتها اتصلت على جوالها ماترد اتصل مرات الخط تقفله زاد قهري قلت اروح لاهلها يادبونها ورحت لبيت اهلها لقيت ابوها واقف برى شكله ينتظرني نزلت وانا معصب قالي اسكت ولاكلمه قلت اللي عندك وخلاص في بيت اهلك معاد لك عندنا زوجه ودخل وقفل بوجهي الباب وانا منصدم باللي سمعته مصدق ومو مصدق

قلت لنفسي ماعليه اعرفها تموت على عيالها قلت والله لاحرق قلبها عليهم لين ترجع تحب رجولي ارجعها